Sete anos de cárcere para o home que tirou unha persoa dende un edificio da Illa de Arousa

A Sala do Civil e Penal do Tribunal Superior de Xustiza de Galicia (TSXG) confirmou a condena de sete anos e medio de cárcere imposto pola Audiencia Provincial de Pontevedra a un acusado de deixar caer a un home desde o edificio de usos náuticos situado na localidade pontevedresa da Illa de Arousa.

Segundo informou o TSXG, como consecuencia das lesións permanentes que sufriu, a vítima atópase limitada para levar a cabo calquera actividade profesional "que precise deambulación, subir ou baixar escaleiras ou pendentes". A Sala indica na sentenza na que desestima o recurso do condenado que non observa "déficit algún no razoamento do tribunal sentenciador", á vez que recalca que o relato da vítima é "claro, firme e persistente".

Ademais, os maxistrados indican que tampouco se detectaron contradicións relevantes e subliñan que é "un dato completamente irrelevante" se ambos se achaban de fronte ou de costas no momento no que a vítima foi arroxada ao baleiro, "máxime se temos en conta o imaxinable impacto emocional" que sufriu o prexudicado.

O alto tribunal galego indica que existen elementos periféricos que corroboran a versión do afectado, entre eles "a xeolocalización do móbil do procesado e o que se descubriu a partir do volcado dos datos que contiña o terminal, as testificais de referencia e a documental médica".

AUXILIO

Os feitos sucederon na madrugada do 8 de marzo do 2020, sobre as 4,40 horas, segundo o relato recollito na sentenza, e o agredido non foi atopado ata pasadas as 10,00 horas dese día por un veciño que lle prestou auxilio e que alertou aos servizos sanitarios, que o trasladaron a un centro hospitalario.

Contra esta sentenza pódese interpor recurso de casación ante a Sala Segunda do Tribunal Supremo dentro do cinco días seguintes ao da última notificación que se faga da mesma, incluída a do acusado na súa persoa.

Acto de ascenso a maxistradas de catro xuízas. TSXG