Activo un incendio nunha zona próxima a casas en Ourense

Un conato de incendio afecta desde a tarde deste martes unha área próxima a casas na zona de Montealegre, no concello de Ourense.

Polo momento, a superficie afectada polas chamas era de 0,15 hectáreas. O incendio declarouse ás 19,00 horas.

Na zona traballan dous axentes, seis brigadas, unha motobomba e medios áereos, segundo apunta a Consellería do Medio Rural, que asegura que non existe perigo para as casas situadas nas proximidades do incendio.