(VÍDEO) As medalleiras de Santiago, vendedoras históricas desprazadas do centro da cidade
Este colectivo de vendedoras mantén unha protesta indefinida cada martes fronte a Casa do Concello.
- As 'medalleiras' de Santiago reclaman recuperar a súa "localización histórica"
- As medalleiras de Santiago piden recuperar os seus postos na contorna da Catedral
- (Vídeo) As medalleiras en Santiago, un oficio en perigo porque "non son estéticas" para a imaxe da cidade
Por Gabriela Prada | Santiago de Compostela | 14/05/2022 | Actualizada ás 14:00
No que deron en chamar os 'Martes polas Medalleiras', as vendedoras de recordos do Obradoiro e as prazas centrais da cidade de Santiago protestan cada martes para reclamar que o Concello lles permita recuperar a súa "localización histórica".
"En 2021, os artistas de rúa e medalleiras fomos expulsados das nosas históricas localizacións a outros lugares con menos tránsito de viandantes. Como se veu denunciando nos pasados meses, as novas localizacións xeráronnos un enorme prexuízo económico", recolle o colectivo.
Así mesmo, denuncian unha "clara discriminación" con respecto a outras actividades "máis perniciosas para a zona monumental" que se localizan en lugares prohibidos para eles, como os trens turísticos e o aparcadoiro de coches na Praza do Obradoiro, "enormes terrazas que ocupan media Praza da Quintana" ou "indixentes e esmoleiros" na cidade histórica.
