Por E.P. | SANTIAGO DE COMPOSTELA | 14/05/2022 | Actualizada ás 14:37
A Confederación Intersindical Galega (CIG) denunciou que a empresa Navantia está a exercer "presións" ás industrias auxiliares do naval, instándoas a que fagan "canto sexa necesario" para "recuperar o tempo non traballado" pola folga do metal.
A federación sindical da central nacionalista declarou que os directivos de Navantia converteron estas "presións" en ameazas aos traballadores das auxiliares para que "sacrifiquen o seu tempo de descanso". Neste sentido, a CIG-Industria anunciou que "non vai tolerar" a vulneración ao dereito fundamental de folga.
"Se algunha empresa impide que a súa pesonal exerza libremente o seu dereito á folga, adoptaremos todas cantas medidas legais e sociais estimemos oportunas", informou o sindicato nun comunicado emitido este sábado.
Á vista desta actuación, a CIG destacou que Navantia debería instar á patronal do sector para que convoque a mesa do convenio e "póñase a traballar" de face a unha saída "negociada" do conflito.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.