Miñones reivindica o "compromiso" do Goberno "co futuro dos pequenos municipios"
O delegado do Goberno reiterou o apoio estatal coa dotación de servizos públicos nos pequenos municipios e pola creación de equipos, a eficiencia ambiental e infraestruturas que impacten na calidade de vida da cidadanía e "permitan atraer máis poboación ao rural".
Por E.P. | SANTIAGO DE COMPOSTELA | 15/05/2022 | Actualizada ás 12:41
O delegado do Goberno en Galicia, José Miñones, reivindicou o "compromiso" do Executivo co municipalismo e "co futuro dos pequenos concellos" na súa visita á localidade de Pereiro de Aguiar. Miñones, segundo explican nun comunicado, reuniuse alí co alcalde, co que abordou as actuacións estatais dentro do Plan de Recuperación no municipio e coñeceu as súas demandas.
O delegado do Goberno destacou que Pereiro reflicte a "proxección" do mundo rural, "pola que aposta decididamente" a Administración estatal. "Un exemplo que se manifesta na súa poboación, que creceu de forma progresiva nos últimos anos, e no seu tecido industrial, grazas ao parque empresarial do municipio", explicou.
A este respecto reiterou o apoio estatal con, entre outros, a dotación de servizos públicos nos pequenos municipios e pola creación de equipos, a eficiencia ambiental e infraestruturas que impacten na calidade de vida da cidadanía e "permitan atraer máis poboación ao rural". Doutra banda, o delegado repasou co alcalde os proxectos nos que colaboran ambas as institucións, en temas como a extensión de banda ancha de acceso a Internet ou o saneamento.
Segundo detallou, a convocatoria do Plan Único-Banda Ancha do Ministerio de Asuntos Económicos e Transformación Dixital. Este programa achegará a fibra de alta velocidade a 38 vivendas e empresas do municipio que ata agora carecían deste acceso.
En canto ao proxecto de mellora de saneamento do río Barbaña, sinalou que está na fase previa á súa licitación. O proxecto dará solución ao tratamento das verteduras do polígono empresarial grazas á achega da Confederación Hidrográfica Miño-Sil.
Tamén no marco do Plan de Recuperación, Miñones informou ao alcalde do programa de axuda para comprar ou alugar vivenda destinada a mozas nos pequenos concellos. Este programa permitirá que os mozos conten con axudas de ata 10.800 euros para a adquisición dunha vivenda habitual ou de ata o 60% da renda do aluguer.
O delegado tamén animaron ao municipio a participar no programa de rehabilitación de Edificios Públicos (Pirep) dependente do Ministerio de Transportes, Mobilidade e Axenda Urbana e cuxa convocatoria está aberta ata o 2 de xuño; así como na liña de dinamización demográfica do Ministerio para a Transición Ecolóxica e o Reto Demográfico destinada ao financiamento de proxectos de transformación territorial e loita contra o despoboamento.
