A carreira inclusiva Runki, protagonista do próximo documental de Jorge Coira
O filme estará producido por Vaca Films.
Por E.P. | SANTIAGO DE COMPOSTELA | 18/05/2022 | Actualizada ás 20:01
O cineasta Jorge Coira dirixirá un documental producido por Vaca Films sobre a carreira inclusiva Runki, coñecida como 'Carreira dos superheroes' e que se celebrará o próximo 5 de xuño na Coruña.
O traballo audiviosual dará a coñecer a historia das entidades que fixeron posible esta iniciativa, aberta a todas as persoas, que poden participar correndo, andando ou en vehículos adaptados.
A carreira está organizada por Enki, organización que traballa pola inclusión social a través do deporte; ADCAI, fundación destinada á axuda de nenos e nenas que sufrisen un Dano Cerebral Adquirido (DCA), e Marines Enki, colectivo coruñés de running adaptado.
As cámaras seguirán ás persoas protagonistas da carreira, que pasa polos puntos máis importantes da cidade herculina nun percorrido de 7 quilómetros de traxecto, pensado máis como un 'free tour' pola Coruña.
