Por Galicia Confidencial | SANTIAGO DE COMPOSTELA | 24/05/2022 | Actualizada ás 14:01
Novos avistamentos de xabarís na cidade de Ourense. Un exemplar dos tamén chamados porcos bravos volveu pasear polas rúas da cidade auriense, deixando, desta vez, unha metraxe que vén de ser fortemente criticada polas asociacións ecoloxistas locais. O achado do animal correu ao cargo dunha patrulla da Policía Local da cidade, que, segundo apuntan Ecoloxistas en Acción, foron tamén os responsables da difusión dun vídeo tomado dende o coche patrulla.
No vídeo apréciase como os axentes perseguen o xabaril pola cidade, chegando a prender as sereas nalgún momento, ante o cal o animal, visiblemente alterado, empredeu a fuxida cruzando no camiño cun viandante. "O tipo flipou", apunta entón un dos axentes, antes de proferir unha gargallada que non vén de caer moi ben nas plataformas verdes da comarca.
¿De que rin?
— Ecoloxistas en Acción Ourense (@Ecoloxistasou) May 23, 2022
Falta de empatía e sensibilidade que reflicte este vídeo! Parécenos un tremendo erro, rirse dun animal asustado nun medio hostil, un erro a súa distribución polas redes sociais vindo dun corpo como é o da Policía Local #Ourense @vozourense @LaRegion @OurenseConcello pic.twitter.com/YmmEr7MCzJ
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.