A gastronomía de países europeos fúndese cos produtos autóctonos en Gondomar
Alumnado e profesorado do CIFP Manuel Antonio de Vigo elaboraron case 1.400 tapas.
Por E.P. | VIGO | 24/05/2022 | Actualizada ás 20:42
O programa da Deputación de Pontevedra 'Degusta Europa' levou ata o mercado de Gondomar diversas preparacións gastronómicas típicas de diferentes países europeos readaptados con produtos de quilómetro cero, é dicir, autóctonos da provincia.
En concreto, os encargados de elaborar as case 1.400 tapas foron 40 alumnos e profesorado do CIFP Manuel Antonio de Vigo. Ademais de veciñanza do municipio, acudiron ata o posto os deputados provinciais Santos Héctor Rodríguez e Iria Lamas, así como concelleiras do Concello.
Entre as degustacións preparadas polo estudantado están espuma de patacas e aire de cebollino, tosta de caballa afumada, risoto cremoso de grelos con espeto de galiña e bucle de lura crocante sobre produtos da terra, entre outros.
Tras o paso por Gondomar, 'Degusta Europa' continuará este xoves no Mercado do Progreso de Vigo e finalizará o 31 de maio no mercado da Guarda.
