Por Europa Press / Redacción | SANTIAGO DE COMPOSTELA | 25/05/2022 | Actualizada ás 13:26
A portavoz nacional do BNG, Ana Pontón, viaxará este xoves a Barcelona para manter unha reunión co president da Generalitat, Pere Aragonés, na que abordarán "asuntos de interese mutuo" entre Galicia e Cataluña.
O encontro entre o mandatario catalán e a líder frontista, o primeiro entre ambos, terá lugar no Palau da Generalitat durante a mañá do xoves, segundo trasladou este mércores a formación nacionalista.
O Bloque sinala que na reunión estarán sobre a mesa "asuntos de interese mutuo" para Galicia e Cataluña en ámbitos "estratéxicos" como economía ou investigación e servirá para que Aragonés e Pontón "intercambien" opinións sobre "a situación política actual".
A axenda da líder nacionalista en Barcelona --onde estará acompañada por responsable de relacións exteriores do BNG, Rubén Cela-- estenderase ata o venres e complétase cunha reunión co equipo de dirección da Institución Catalá de Investigación e Estudos Avanzados (ICREA), organismo que xestiona os centros de ciencia e investigación en Cataluña.
Así mesmo, Pontón tamén manterá un encontro con residentes galegos na Cidade Condal --a segunda con máis cidadáns de Galicia despois de Madrid-- e concluirá con "unha serie de encontros mediáticos".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.