Unha menor resulta ferida ao caer pola xanela dun primeiro piso en Ferrol

Os servizos sanitarios de urxencia trasladaron esta mañá a unha menor con lesións de diversa consideración a consecuencia dunha caída de altura.

Segundo a información recollida no 112 Galicia, a afectada precipitouse pola xanela dun primeiro piso no concello de Ferrol poucos minutos antes do once horas.

Así, acudiron os profesionais de Urxencias Sanitarias de Galicia-061 para atender á menor, que, finalmente, foi trasladada ao Hospital Arquitecto Marcide.

Ademais, co fin de coñecer as circunstancias que motivaron este suceso, ata o lugar acudiron os axentes da Policía Local e Nacional.

Centro de chamadas do 061