Madrid, principal destino das empresas que deixaron Galicia en 2022
A capital é tamén orixe de boa parte das entidades que deciden asentarse no país.
- A patronal galega alerta de fuga de empresas a Portugal se se sube máis o salario mínimo
- A Xunta cre que o "centralismo" do Goberno "pon en risco" a execución dos fondos europeos
- Un informe ve "deficiente" o sistema sanitario de Galicia, entre os peores do Estado
Por Galicia Confidencial | SANTIAGO DE COMPOSTELA | 05/06/2022 | Actualizada ás 10:00
Cara onde marchan as empresas que foxen de Galicia? Segundo o o Estudo sobre Cambios de Domicilio publicado por INFORMA D& B S.A.U., Galicia ten un saldo negativo de catro empresas polos cambios de domicilio que tiveron lugar durante o primeiro trimestre de 2022. Polas 42 compañías que entraron en Galicia nestes tres meses, outras 46 decidiron partir cara a outras zonas do territorio nacional.
O dato contrasta co primeiro trimestre de 2021, cando Galicia presentaba un saldo positivo de sete. Se temos en conta as vendas destas empresas, Galicia perde 79 millóns de euros polos cambios de domicilio nos tres primeiros meses. Tales millóns van parar, principalmente a Madrid, que se erixe como o destino máis preferido polas empresas que saen da comunidade galega, cun 41 % do total --é dicir, entre 18 e 19 entidades--.
En segundo está o caso de Cataluña, cun 15 %. Acontece que estes dous territorios son tamén os principais lugares desde onde chegan máis sociedades ata Galicia, un 38 % proceden de Madrid, e un 17 % proveñen de Cataluña. Un total de 1.366 empresas trasladaron a súa sede social a outra comunidade durante o primeiro trimestre de 2022, un 14 % menos que no mesmo período o ano anterior. Con todo, esta cifra está un 21% por encima da do últimos tres meses de 2021.
Na primeira metade de 2021 os cambios de domicilio empresariais aumentando, superando os 1.500 en cada trimestre, para baixar máis preto dos 1.000 nos dous últimos. O número de traslados nos tres primeiros meses de 2022 achégase aos 1.500 de novo. “Os 1.366 traslados de empresas no primeiro trimestre non chegan ás cifras coas que se iniciou 2021, pero están por encima dos dous últimos trimestres dese ano”, inciden dende a firma.
En conxunto, Madrid é a comunidade que máis compañías gaña por estes movementos durante os tres primeiros meses do ano, engade 88 empresas. Outras sete autonomías suman algunha compañía nestes meses: Andalucía engade 9, Aragón 10, Asturias 5, Castela-A Mancha 4, Valencia 22, Baleares 6, e o País Vasco 11.
