As vendas de peixe aumentan un 2,4% respecto dos niveis prepandemia

As vendas de peixe incrementáronse un 2,4% respecto dos niveis prepandemia con importantes incrementos en produtos como o salmón, a anchoa ou a pescada. Así o indican os datos revelados por Kantar Worldpanel no 22º Congreso AECOC de Produtos do Mar, que arrincou este mércores en Baiona.

Deste xeito, as cifras apuntan a unha subida do 2,4% do valor das vendas en comparación cos niveis previos a mazo de 2020 despois de dous anos "anómalos" polos cambios de hábitos provocados pola crise sanitaria.

Por categorías, desctan os incrementos nas vendas de salmón (19,7%), anchoa (16,9%) e pescada (5,4%), segundo reflicte este estudo, que apunta que o 11,3% do gasto das familias en alimentación destínase aos produtos do mar. Destes, o 8,2% vai parar á compar de peixe fresco, mentres que o 3,1% dedícase a produtos conxelados.

Dous traballadores manexan pescado en caixas de plástico, na lonxa da Coruña. M. Dylan - Europa Press