Por Europa Press / Redacción | A Coruña | 06/06/2022 | Actualizada ás 19:37
CIG-Industria fixo un chamamento a todas as traballadoras e traballadores do sector do siderometal da provincia da Coruña a secundar as xornadas de folga convocadas desde este martes, día 7, en demanda dun "convenio digno".
A patronal e sindicatos --CIG, CCOO e UGT-- non chegaron a un acordo na última reunión, celebrada este luns. Por iso, mantéñense tamén as xornadas de folga dos días 8, 9, 28, 29 e 30 de xuño.
Segundo Eduardo Caamaño, secretario comarcal de CIG-Industria, a representación social tiña "dúas liñas vermellas": a subrogación e a suba salarial co IPC de 2021. Respecto do tema da subrogación, apunta que pola parte empresarial "estarían dispostos a entrar nela sen pór limitacións ao número de traballadores da empresa principal", sinala
Con todo, indica que respecto da suba salarial mantense a discrepancia en relación ao ano 2021 e que iso imposibilitou o acordo. En todo caso, manifestan a súa disposición a seguir negociando.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.