Por E.P. | SANTIAGO DE COMPOSTELA | 11/06/2022 | Actualizada ás 14:40
A sección segunda da Audiencia Provincial de Ourense celebrará o vindeiro mércores día 15 de xuño o xuízo contra dúas persoas acusadas dun delito continuado de estafa.
Segundo o escrito de cualificación fiscal, nos meses de decembro de 2017 e xaneiro de 2018 os acusados trabaron amizade coa vítima co obxectivo de "obter un beneficio económico mediante engano". "Aproveitándose da especial vulnerabilidade da vítima", quen posúe un grao de discapacidade do 65%, os acusados "convencérona" para que lles entregase diversas cantidades de diñeiro, prometéndolle que llo devolverían, "o cal nunca cumpriron".
Segundo o Ministerio Fiscal, o importe total estafado ascende a 8.752 euros, cantidade que supuxo un "importante quebranto económico" para o prexudicado debido aos seus "escasos ingresos". Fiscalía cualifica os feitos de delito continuado de estafa polo que solicita para cada un dos acusados a pena de prisión de dous anos e tres meses.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.