A exposición 'Sen Cancelas' sobre a evolución histórica do movemento LGTBI percorrerá varios institutos galegos

A Xunta de Galicia e o Consello da Cultura Galega inauguraron este luns a exposición 'Sen Cancelas', unha iniciativa divulgativa sobre a evolución histórica do movemento LGBTI que percorrerá diversos centros educativos galegos.

A conselleira de Promoción do Emprego e Igualdade, María Jesús Lorenzana, e a presidenta do Consello da Cultura Galega, Rosario Álvarez, participan na inauguración da exposición' Sen Cancelas' sobre os dereitos do colectivo LGTBI.. CONCHI PAZ | Fonte: Europa Press

"A exposición nace para dar a coñecer sen prexuízos nin estereotipos a historia do colectivo en Galicia", afirmou a conselleira de Promoción do Emprego e Igualdade, María Jesús Lourenzana na inauguración do proxecto no IES Rosalía de Castro de Santiago de Compostela.

Acompañada pola presidenta do CCG, Rosario Álvarez, Lourezana indicou que a mostra 'Sen Cancelas' permite unha "visión mundial" dos feitos lexislativos "máis relevantes" para "afianzar" a liberdade do colectivo.

Neste sentido, a conselleira lembrou que Galicia foi a primeira comunidade autónoma en contar cunha Lei que garantise a igualdade de trato do colectivo LGTBI. "Loitas contra as desigualdades e garantir os dereitos de todas as persoas é unha obriga de calquera sociedade democrática e tamén un imperativo legal", aseverou Lourenzana.

A exposición terá un carácter itinerante, polo que percorrerá diversos centros educativos de Galicia. Lourenzana sinalou que para afianzar os dereitos das persoas, "son necesarias leis, pero tamén conciencias libres e informadas".