O lume xa afecta a 210 hectáreas no Concello de Larouco
Na parroquia de Seadur son 110 hectáreas queimadas e na de Freixido, 100.
Por Europa Press / Redacción | SANTIAGO DE COMPOSTELA | 16/06/2022 | Actualizada ás 21:10
A superficie afectada polos dous incendios forestais rexistrados en Larouco, nas parroquias de Seadur e Freixido, elévase a unhas 210 hectáreas.
Segundo informaron fontes da Consellería de Medio Rural a Europa Press, o lume rexistrado en Seadur, que segundo os primeiros indicios puido ser ocasionado por un raio, iniciouse o mércores ás 20,59 horas. Debido ao vento na zona reactivouse e permanece activo a esta hora. Conforme ás últimas estimacións, afecta a unha superficie dunhas 110 hectáreas.
Pola súa banda, o incendio rexistrado na parroquia de Freixido empezou ás 7,26 horas deste xoves e as últimas estimacións cifran a superficie afectada en máis de 100 hectáreas.
