Por Europa Press / Redacción | SANTIAGO DE COMPOSTELA | 22/06/2022 | Actualizada ás 16:57
Este xoves 23 de xuño quedará aberto o prazo para pedir unha das 37.500 prazas ofertadas na Formación Profesional de Galicia para o próximo curso.
A presentación de solicitudes estará aberta ata o próximo 5 de xullo ás 13,00 horas, segundo informou este mércores a Consellería de Educación.
Deste xeito, os interesados en ciclos ordinarios e modulares poderán cursar as súas peticións ata o 5 de xullo. O día 8 coñecerán as listas provisionais e o once días despois, as definitivas. A partir desa xornada, os admitidos poderán formular as súas matrículas.
No caso da FP Dual, as listas provisionais publicaranse o día 6, mentres que as definitivas daranse a coñecer o 11. Neste caso, a matrícula poderá cursarse entre o día 18 e o 26 de xullo.
Por último, os interesados en másteres de FP coñecerán a lista de admitidos provisionais o día 8. O 19, xornada na que se publicará a relación definitiva, arrincará o período de matrícula.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.