Por Europa Press / Redacción | SANTIAGO DE COMPOSTELA | 27/06/2022 | Actualizada ás 11:09
A economía galega mantivo no mes de abril a tendencia de desaceleración no seu crecemento lastrada pola crise enerxética, a falta de subministracións e a alza nos custos das materias primas.
Así o determina o Indicador Abanca-Foro de Conxuntura Económica de Galicia, que sitúa no 1,8% o crecemento da economía galega no mes de abril, dúas décimas por baixo do nivel de marzo. O dato de abril está 2,3 puntos por baixo do valor máximo alcanzado no outono de 2021, cando se chegou a un aumento do 4,1% en termos interanuais.
O Foro sitúa como culpables desta desaceleración a crise enerxética, a falta de subministración e o encarecemento das materias primas, así como o nivel de confianza dos consumidores.
Por sectores, apunta como positivo o comportamento do turismo e o transporte marítimo de mercadorías (+20%) e como negativos a produción industrial, que acumula un retroceso internanual do 30%. Para o próximo trimestre, o Foro espera que a tempada turística permita incrementar a actividade, aínda que recela do impacto da guerra en Ucraína sobre as economías.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.