Non lle funcionou o freo de man e acabou encaixada nun alpendre en Baños de Molgas
Por Europa Press / Redacción | SANTIAGO DE COMPOSTELA | 30/06/2022 | Actualizada ás 10:49
Unha persoa resultou ferida este xoves de madrugada tras perder o control sobre o freo de man do vehículo que conducía e encaixarse contra un alpendre no municipio de Baños de Molgas.
Segundo informou o 112 Galicia, pasada as 1,00 horas deste xoves, un vehículo no lugar de Froufe, en Baños de Molgas, saíu da vía e chocou contra un alpendre despois de perder a súa condutora o control sobre o freo de man.
A consecuencia do impacto contra o alpendre, caeu unha pedra sobre o vehículo e a súa ocupante quedou atrapada dentro por unha perna. Por iso, tras recibir a alerta no 112 Galicia, os xestores de emerxencias solicitaron a presenza dos membros do GES de Maceda e dos Bombeiros de San Cibrao.
Bastaron os medios de intervención do primeiro grupo para liberar a ferida, indicou o 112, quen, ademais das lesións provocadas polo choque, presentaba signos de embriagadez.
SAÍDA DE VÍA EN NARÓN
Por último, sobre as 21,45 horas do mércores outra saída de vía, en Narón, puxo en alerta aos servizos de emerxencias. Foi unha persoa particular quen chamou ao 112 Galicia para informar o accidente que tivo lugar na AC-112, cando o turismo que circulaba á altura do punto quilométrico 4 marchou da calzada e chocou contra unha casa.
