O 061 pide "extremar as precaucións" nos desprazamentos por estrada na operación saída

Agárdase un aumento da afluencia de vehículos por coincidir o inicio do mes de xullo coa fin de semana.

Por E.P. | Santiago de Compostela | 01/07/2022 | Actualizada ás 17:33

Comparte esta noticia

A Fundación Pública Urxencias Sanitarias de Galicia-061 reitera un ano máis o seu chamamento a "extremar as precaucións" nos desprazamentos por estrada no inicio da operación saída deste verán, na que se estima un aumento da afluencia de vehículos por coincidir o inicio do mes de xullo coa fin de semana.

Persoal do 061 en Galicia.
Persoal do 061 en Galicia. | Fonte: 061 - Arquivo.

Destaca a "importancia de extremar as precaucións nos desprazamentos por estrada", xa que, matiza, "os accidentes de tráfico non só provocan falecementos, senón que en moitos casos provocan múltiples lesións que supoñen graves secuelas nas persoas que as sofren".

Entre outras recomendacións, aconsella evitar comidas copiosas antes de conducir e non consumir alcol, así como respectar as normas de tráfico "en todo momento" e ter en conta "que a velocidade é outro dos factores que intervén nun accidente".

E subliña que os peóns "deben facerse ver se circulan ou cruzan por estradas" co "uso obrigatorio de pezas reflectoras que lles fagan visibles".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta