Sobe un 4,1% o prezo da vivenda en aluguer en Galicia durante o segundo trimestre

Os prezos soben en todas as provincias galegas e nas cidades.

Por Europa Press / Redacción | Compostela | 04/07/2022 | Actualizada ás 12:48

Comparte esta noticia

O prezo das vivendas en aluguer en Galicia subiu un 4,1% no último trimestre ata alcanzar os 7,8 euros/m 2 , segundo o último informe publicado polo portal inmobiliario 'idealista'. En taxa interanual a subida alcanza o 4,8%.

Os prezos soben en todas as provincias galegas, coa provincia de Lugo á cabeza, xa que experimentou un incremento de prezos do 8,4%, seguida de Pontevedra (7,7%) e Ourense (4%). A menor subida produciuse na Coruña (2%). Ourense é a provincia máis barata de Galicia co metro cadrado a 5,7 euros mensuais, seguida de Lugo (5,9 euros/m2 ). A máis cara é Pontevedra (9,6 euros/m 2 ), seguida pola Coruña, con 7,3 euros/m2 .

Os prezos tamén se comportaron de maneira alcista nas cidades galegas en primaveras. Así, encabeza as subidas Ourense (3,1%), seguida de Lugo (2,2%), Pontevedra (1,8%), Santiago de Compostela (0,8%) e A Coruña (0,3%). En Vigo a subida foi do 2,1%.

A Coruña rexistra un prezo de 8,4 euros/m2, seguida por Santiago de Compostela (7,7 euros/m 2 ) e Pontevedra (7,3 euros/m2 ). Ourense é a capital máis económica (5,9 euros/m2 ) seguida de Lugo (6,3 euros/m 2 ). Na cidade de Vigo o prezo está situado en 9 euros/m2.

DATOS ESTATAIS

No conxunto do Estado, o prezo do aluguer de vivendas en España incrementouse un 4,2% durante o últimos tres meses, entre abril e xuño.

Vivenda en aluguer / Europa Press. / Europa Press
Vivenda en aluguer / Europa Press. / Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta