A Policía faise cargo da procura do mozo afundido nunha praia fluvial no Río Miño en Ourense

Mergulladores da Policía Nacional continúan coas tarefas para recuperar o corpo do mozo afogado na tarde deste pasado martes nunha prata fluvial do Río Miño en Ourense.

Segundo informou o 112 Galicia, os equipos de intervención manteñen activado o operativo para recuperar do Río Miño o corpo sen vida do mozo que se afundiu este martes.  Así, o dispositivo, que coordina a Policía Nacional, conta coa intervención, mediante equipos de mergullo, de axentes de seguridade. Tamén foron mobilizados os Bombeiros de Ourense, efectivos da Garda Civil e a Policía Local, tras ser alertados polo 112 Galicia.

O martes os servizos de emerxencias despregaron diferentes medios para actuar no rescate deste mozo na praia fluvial de Oira, en Ourense. Estaba localizado ao fío das 20,00 horas, segundo os bombeiros, e activouse o baleirado parcial do encoro de Velle para poder realizar a operación, xa que se afundiu.

Segundo informou o 112, a central de emerxencias recibiu sobre as 20,00 horas do martes varias chamadas de particulares para informar dunha persoa en apertos na praia fluvial de Oira. Tras iso, activouse un operativo de rescate composto polos Bombeiros de Ourense, Garda Civil e Policía Local e Nacional.

Efectivos dos Bombeiros informaron de que tiñan localizada á persoa afundida. Tamén se incorporaron aos equipos de mergullo, posto que non estaba en superficie e hai que actuar na profundidade da auga.