Por Europa Press / Redacción | Santiago de Compostela | 18/07/2022 | Actualizada ás 19:41
A conselleira do Mar, Rosa Quintana, participou no acto de izado da bandeira arcoiris no Club Náutico San Vicente do Mar, no Grove, onde destacou a implicación desta entidade e de Galicia na loita contra a discriminación por orientación sexual e identidade de xénero.
Nesta liña, salientou que o porto deportivo de Pedras Negras é o primeiro de España en izar a bandeira do Arco da Vella como símbolo de respecto e apoio ás persoas LGTBI.
Un xesto pioneiro que converte a este porto, remarcou Quintana, "nun espazo de tolerancia no que se asegure a igualdade" e símbolo do respecto aos dereitos sexuais "como dereitos humanos fundamentais recoñecidos".
Ademais, a conselleira destacou a importancia de que este tipo de pasos sirvan "como exemplo" a outras entidades portuarias e a outros axentes socioeconómicos do litoral estatal co fin de seguir avanzando no recoñecemento da riqueza que ofrece a diversidade.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.