Retiránlle o título de fillo adoptivo de Corcubión ao escritor Darío Xohán Cabana

"A iniciativa foi unha metedura de pata", di o rexedor socialista.

Por Europa Press / Redacción | A CORUÑA | 22/07/2022 | Actualizada ás 12:59

Comparte esta noticia

O Concello de Corcubión acordou por unanimidade no pleno ordinario celebrado este xoves retirarlle o nomeamento de fillo adoptivo da localidade ao escritor e académico Darío Xohán Cabana.

"Días despois do nomeamento recibimos unha carta da familia pedíndonos que o anulásemos", explicou o alcalde do municipio, Manuel Ínsua, en declaracións a Europa Press. "Hai que respectar a decisión da familia", dixo.

Darío Xohán Cabana, nacido en Cospeito en 1952 e falecido en novembro do pasado ano, foi nomeado de maneira póstuma fillo adoptivo de Corcubión por unha iniciativa promovida en exclusiva pola formación Sempre Corcubión para honrar ao que foi policía municipal da localidade entre 1983 e 1986.

O rexedor socialista destacou que á súa formación política esa moción pareceulles "unha metedura de pata" por consideralo un tema "moi sensible" que debe contar cun ámbito máis amplo "da sociedade, doutros grupos e sobre todo da familia". Por este motivo, foi aprobada no mes de maio co voto afirmativo de BNG, PP e dúas formacións independentes pero coa abstención do PSOE. "Tampouco viamos un vínculo tan estreito deste escritor con Corcubión", engadiu o alcalde, quen insiste en que "ninguén dubida dos méritos académicos" do autor.

O escritor e académico Darío Xohán Cabana / RAG. / Europa Press
O escritor e académico Darío Xohán Cabana / RAG. / Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta