Por Europa Press / Redacción | OURENSE | 22/07/2022 | Actualizada ás 14:13
Unha saída de vía dun coche o pasado mércores no municipio de Allariz (Ourense), en Souto --estrada OU-0101--, saldouse con tres menores feridas ao chocar o vehículo contra un noiro. O condutor, un home de nacionalidade suíza de 32 anos, deu positivo en alcol.
Segundo informa a Garda Civil, ao condutor, que foi detido pola gravidade dos feitos, impútanselle un presunto delito contra a seguridade viaria por conducir baixo a influencia de bebidas alcohólicas e outros dous de lesións por imprudencia grave.
O home, fillo de emigrantes galegos, ofreceuse para trasladar á súa filla e a dúas amigas, todas elas menores de idade, á piscina e devolvelas ao seu domicilio ao finalizar a tarde. Na viaxe de volta produciuse o accidente, sobre as 20,30 horas do mércores.
As tras nenas feridas foron evacuadas ao hospital de Ourense (CHUO). Unha delas foi ingresada na UCI para o seguimento de varios traumatismos craniais. O condutor foi sometido ás probas de detección alcohólica, cun resultado positivo de 0,97 mg/l.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.