Santiago multa a un gandeiro con 750€ porque as súas vacas cagan... nunha vía rural
O gandeiro, da parroquia da Sionlla, xa presentou alegacións á decisión do goberno municipal compostelán. O BNG critica que se aplique no rural un reglamento concibido para as vías urbanas.
Por GCAgro | Santiago de Compostela | 02/09/2014 | Actualizada ás 07:00
O Concello de Santiago propuxo unha sanción de 750 euros a un gandeiro dunha explotación da parroquia da Sionlla, ao norte da cidade, por deposicións das súas vacas no camiño da granxa aos pastos nunha vía agropecuaria.
Así o denunciou a edil do BNG, Elvira Cienfuegos, que se referiu á concepción "urbanícola" do Concello compostelán, ao aplicar no medio rural un regulamento concibido para o urbano e cando a denuncia refírese a unha vía pública construída para a actividade agrogandeira durante a concentración parcelaria.
O gandeiro, que recibiu o pasado 20 de agosto a proposta de multa do consistorio, ten unha explotación no lugar de Reboredo, unha zona de especial interese agrario pola Xunta e que foi obxecto, como outras que lle rodean, do proceso de concentración parcelaria para aumentar as explotacións e dotalas de vías para a actividade gandeira.
O expediente de sanción, ao que o ganadero presentou xa alegacións, foi aberto por denuncia dun veciño que argumenta que as vacas desta explotación extensiva, no traslado periódico aos pastos, ensucian a vía con excrementos.
A proposta de multa baséase nun artigo da ordenanza de convivencia e residuos, que recolle sancións por lixar a vía pública por tenza de animais. Porén, a edil do BNG subliña que esta regulación refírese á vía urbana, aos animais de compaña e non aos de abasto.
Non é o mesmo unha vía urbana que unha rural
"Non é o mesmo evitar que un can ensucie o medio público que ensucien as vías" as vacas, sinalou Elvira Cienfuegos, quen dixo que o Concello non tivo en conta que se trata dunha zona agropecuaria en concentración parcelaria.
Ademais de reclamar a retirada da sanción, o BNG demanda que, do mesmo xeito que hai limpeza nas vías urbanas, tamén se realice no rural e que se sinalicen as vías de animais en tránsito.
"Os animais das explotacións agroganadeiras teñen uns comportamentos fisiolóxicos semellantes en todas partes sen que xeren propostas de sanción", sinalou a concellala, para quen o Concello crea un precedente "insólito, perigoso e inaceptable", concluíu.
