Morre unha persoa nunha colisión entre un coche e un camión na AP-9 en Abegondo
Por E.P. | A CORUÑA | 29/07/2022 | Actualizada ás 10:02
Un veciño de Ferrol morreu nunha colisión ocorrida este venres na AP-9, no termo municipal de Abegondo, entre un coche e un camión cisterna.
Segundo informan a Europa Press fontes dos servizos de emerxencias intervenientes, ocorreu ao fío das 9,00 da mañá á altura do punto quilómetro 30 da citada autoestrada, en sentido A Coruña.
Tal e como indica o 112 Galicia, ata o lugar desprazouse un equipo médico do 061-Urxencias Sanitarias para dar asistencia a posibles feridos e certificar a morte do condutor do turismo.
O falecido é veciño de Ferrol, de acordo con fontes da Garda Civil. O accidente produciuse no carril esquerdo da AP-9, que estaba cortado por obras, pero xa non hai afección á circulación.
