Por Europa Press / Redacción | SANTIAGO DE COMPOSTELA | 01/08/2022 | Actualizada ás 10:57
Os gandeiros galegos percibiron 43,1 céntimos de media por cada litro de leite que produciron en xuño, unha tendencia alcista que continúa, aínda que Galicia non deixa de estar entre as peor pagas do país. Así, a cifra galega só supera á Comunidade Valenciana (43 céntimos por litro) na España peninsular, á vez que se atopa 0,7 céntimos por baixo da media do Estado (43,8 céntimos).
No entanto, o avance intermensual nos prezos lácteos de Galicia, aumentan 1,1 céntimos --de 42 céntimos en xuño a 43,1 céntimos en xullo--, prodúcese a maior ritmo que o da media española, onde sobe 0,7 céntimos --de 43,1 a 43,8 céntimos--
Pola súa banda, os gandeiros con entregas non deixan de baixar en Galicia. Quedan en 6.209 en xuño, 42 menos que o mes anterior. Son máis do dobre dos 11.040 existentes en todo o Estado.
Mentres, as 250.008 toneladas producidas en xuño en Galicia supoñen un descenso respecto das 262.448 toneladas do mes de maio. Trátase en torno ao 40% do que se produce no país. No tocante ao leite cru ecolóxica, alcanzou un prezo de 50,5 céntimos por litro en Galicia, tamén por baixo da media española (52 céntimos).
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.