Yolanda Díaz quere volver subir o salario mínimo este ano pola inflación "absolutamente desbocada"
Apunta a Feijóo como "un gran político" e un "gran adversario".
Por Europa Press / Redacción | SANTIAGO DE COMPOSTELA | 07/08/2022 | Actualizada ás 18:01
A vicepresidenta segunda do Goberno e ministra de Traballo, Yolanda Díaz, afirmou que "ante unha inflación absolutamente desbocada, imposible para a maioría social, máis que nunca hai que subir o salario mínimo".
E lembrou que o Goberno subirá o Salario Mínimo Interprofesional (SMI) este ano: "Hai persoas neste país cunha renda como o SMI, que imos subir agora, que pagan comisións bancarias de 60 euros. Hai que abordar o tema", dixo nunha entrevista no 'Faro de Vigo' este domingo recollida por Europa Press.
Respecto a subida do paro no mes de xullo, Díaz apuntou que o dato non é positivo e asegura que o Goberno vai seguir " traballando para que esas 2.883.000 persoas que están desempregadas deixen de estalo". Respecto da súa nova plataforma Sumar, Díaz concretou que non se trata dun proceso electoral e que é "un proxecto cidadán polo si con todas as intelixencias e os corazóns".
PLAN DE AFORRO ENERXÉTICO
Defendeu que o plan de aforro enerxético anunciado polo Goberno non é unha imposición e que "houbo un diálogo en Europa no que o Goberno de España foi moi proactivo e a redución de consumo do 7% é moi considerable, nun marco de solidariedade con Europa".
Preguntada por se se pode afirmar que non haberá restricións importantes de gas, Díaz explicou: "Son tempos de absoluta incerteza e a certeza do Goberno é que nesta crise non se van a axustar o cinto os de sempre. Vanse axustar o cinto as enerxéticas".
Díaz tamén se referiu Referiuse ao líder do PP, Alberto Núñez Feijóo, como "un gran adversario, porque é un gran político", pero asegura textualmemnte que o seu proxecto é regresivo, reaccionario e antieuropeo. "Se de min depende, imos mobilizar a todos os progresistas deste país para que Feijóo non chegue a Moncloa en 2023", afirmou, e engadiu que o PP segue nas mesmas políticas de austeridade.
