Por admin | GCABERTO | 21/08/2022
A convocatoria das 106 prazas de Médicos de Atención Primaria da nova modalidade asistencial e o seu gran éxito, non fixo máis que expoñer e poñer de manifesto os grandes problemas, a falta de ideas e proxectos que se viven na Atención Sanitaria Pública de Galicia e que reflicten fundamentalmente unha grave problema de xestión e unha política de recursos humanos moi precaria que foi, e segue sendo, totalmente equivocada e tremendamente imprudente.
Coa presentación de máis de 3 candidatos por praza convocada (350) e que só 13 son de promoción interna, demostra, e de xeito definitivo, que non é un problema de falta de doutores; máis ben, un problema de respecto, dignidade, consideración e valoración do persoal e dos profesionais.
En definitiva, trátase de dar e ofrecer estabilidade e condicións laborais dignas aos profesionais do Sergas para despois aplicar medidas técnicas e profesionais, con persoal competente, cualificado e formado, algo que fomos deducindo, cada vez é máis nunha utopía.
Asociación de Batas Brancas
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.