Dispárase o aluguer en Galicia: sobe case un 8% en só un ano
En Santiago de Compostela, a suba foi do 12,1%, segundo o portal FotoCasa.
Por Europa Press / Redacción | SANTIAGO DE COMPOSTELA | 30/08/2022 | Actualizada ás 14:28
O prezo do aluguer interanual subiu un 7,9% en xullo en Galicia, segundo os datos do Índice Inmobiliario Fotocasa. Só en cidades como Santiago de Compostela, alcanzou nun ano unha subida do 12,1%. Nas catro provincias incrementan o prezo interanual da vivenda en aluguer en xullo de 2022. O incremento superior ao 10% dáse na provincia de Lugo cun 13,9%. Séguenlle as provincias de Pontevedra (7,7%), A Coruña (5,9%) e Ourense (2,4%).
En canto aos prezos, as tres provincias máis caras son Pontevedra con 9,39 euros/m2 ao mes; A Coruña con 7,85€/m2 ao mes, Lugo con 6,87 euros/m2 ao mes e Ourense con 5,88 euros/m2 ao mes.
O prezo do aluguer interanual sobe en todos os municipios analizados por Fotocasa. Todas as cidades teñen subidas interanuais e unha delas, Santiago de Compostela, ten un incremento de dous díxitos, en concreto un 12,1%.
En canto ao prezo por metro cadrado en xullo, o tres con maior custo son: Vigo con 8,77 euros/m2 ao mes; A Coruña capital con 8,76 euros/m2 ao mes e Santiago de Compostela con 8,44 euros/m2 ao mes.
