Reserva Terras do Mandeo e produtores de viño estudan solucións á velutina e os xabarís

A Reserva de Biosfera e Terras do Mandeo e produtores de viño deste territorio mantiveron un encontro para abordar solucións á problemática da velutina e os xabarís.

Ademais dos seus representantes, acudiron, segundo informa, as biólogas da Universidade da Coruña (UDC), María José Servia e Yaiza Rodríguez, que realizaron un estudo do impacto das avespas velutinas nas producións de viño e que expuxeron posibles solucións a curto, medio e longo prazo.

"Na reunión puxéronse encima da mesa diversas propostas como traballar de man dos concellos para crear programas escolares de sensibilización e concienciación da problemática no rural", explican desde Terras do Mandeo.

Por parte da Reserva tamén se ofreceu a posibilidade de adherirse ou crear programas de cooperación con outros territorios que teñan a mesma problemática e "unir forzas con máis sectores afectados, ademais do vitícola".

Vespa velutina.