Manuel García Ortiz toma posesión como novo comandante da Forza de Protección da Amada

O xeneral de brigada do Corpo de Infantaría de Mariña Manuel García Ortiz tomou este venres, 2 de setembro, posesión como novo comandante da Forza de Protección da Armada (FUPRO), nun acto desenvolvido no seu cuartel xeral, situado na Estación Naval da Graña, en Ferrol.

O acto desenvolveuse desde as 12,00 horas e ao mesmo asistiron, entre outros, a subdelegada do Goberno na Coruña, María Rivas, o alcalde de Ferrol, Anxo Mato, e a delegada da Xunta en Ferrol, Martina Aneiros. O novo comandante da Forza de Protección da Armada é o máximo responsable de máis de mil cincocentos militares cuxo principal labor é proporcionar seguridade aos intereses da Armada, tanto en territorio nacional como no estranxeiro.

EXPERIENCIA

Manuel García Ortiz naceu en Cádiz en 1962 e ingresou na Armada no ano 1979 como soldado voluntario especialista de Infantaría de Mariña. En 1985 ingresou na Escola Naval, recibindo o despacho de Tenente en xullo de 1990.

Ao longo da súa dilatada carreira militar, exerceu o mando en diversas unidades do Terzo de Armada, entre os que destaca as xefaturas do Estado Maior do Terzo de Armada e do Estado Maior a Forza de Infantaría de Mariña, ademais de estar en destinos como o Estado Maior da Unión Europea, na División de Plans do Estado Maior da Armada.

Conta con experiencia en misións internacionais, sendo despregado en Kósovo e Bosnia i Herzegovina. Posúe a especialidade de Artillaría e Coordinación de Lumes e é Diplomado en Estado Maior das Forzas Armadas e está en posesión de diversas condecoracións militares nacionais e estranxeiras.

A Forza de Protección da Armada constitúe unha do tres grandes unidades da Forza de Infantaría de Mariña e actualmente algúns dos seus efectivos forman parte da operación "Sentinela Galego", como continxente de prevención, vixilancia e detección de incendios forestais.

Imaxe de recurso da Forza de Protección da Armada (FUPRO)