Unha vintena de mozas conforman o cuarto grupo do programa 'XacobeAndo'

Unha vintena de mozas, que conforman o cuarto grupo do programa 'XacobeAndo', foron recibidos este venres pola directora xeral de Xuventude, Participación e Voluntariado, Cristina Pichel, e pola directora de Turismo de Galicia, Nava Castro.

Este grupo de voluntarios realizarán, ata finais do mes de outubro, actividades en tres ámbitos: Camiño inclusivo, Camiño sustentable e Camiño dixital. Deste xeito, axudados por titores e profesionais, colaborarán en aspectos como a concienciación ambiental e a posta en valor do patrimonio cultural e natural, así como a creación de recursos dixitais sobre a experiencia no Camiño e o acompañamento e integración de grupos de persoas con necesidades especiais.

Estas accións realizaranas en diferentes puntos do Camiño; en Lugo e Baleira, por onde pasa o Camiño Primitivo e na Rúa e en Chantada, no trascursos do Camiño de Inverno. Nun comunicado, a Xunta sinalou que os participantes, desta etapa, teñen entre 18 e 30 anos e chegan de diferentes zonas de España e doutros países como Letonia, Grecia, Italia ou Estonia, entre outros.

O primeiro e segundo grupo xa terminaron as súas estancias, realizadas desde xullo ata finais de agosto. Así, os mozos desta quenda, coincidiu, na inauguración, co terceiro grupo de voluntarios que termina a súa estancia en setembro cos que poden compartir vivencias e intercambiar opinións do programa.