Cancelado o Barbeira Season Fest polos fortes refachos de vento
A devolución das entradas diarias para asistir este domingo poderá solicitarse a través do despacho de billetes.
Por Europa Press / Redacción | SANTIAGO DE COMPOSTELA | 04/09/2022 | Actualizada ás 13:45
A organización do festival Barbeira Season Fest decidiu cancelar a xornada deste domingo debido aos fortes refachos de vento que, "segundo apuntan todas as informacións meteorolóxicas", provocará a posible entrada do furacán Danielle en Galicia.
O director do festival, Isaac González, explicaba nun comunicado que, ante esta ameaza, "está por encima de todo a seguridade do público, dos artistas, de todo o equipo humano que traballa na cuarta edición e, ao estar o recinto emprazado no centro de Baiona, dos propios veciños".
Esta pasada noite, recalcan, comezouse a desmontar os elementos máis sensibles a este tipo de inclemencias meteorolóxicas para "previr calquera tipo de incidencia". Informan ademais de que a devolución das entradas diarias para asistir este domingo poderá solicitarse a través do despacho de billetes.
