O BNG releva a Bildu e volve ter escano no Parlamento Europeo
Ana Miranda recolleu a súa acta tras prometer a Constitución ante a Xunta Electoral Central.
Por Europa Press / Redacción | Madrid | 05/09/2022 | Actualizada ás 20:10
O BNG volveu a ocupar un asento no Parlamento Europeo, de novo en mans de Ana Miranda, que este luns recolleu a súa acta tras prometer a Constitución ante a Xunta Electoral Central.
Ana Miranda, que xa foi eurodeputada en dúas etapas de lexislaturas anteriores (2012-2013 e 2018-2019), relevará a Pernando Barrena, de Bildu, formación que cede agora o seu escano en virtude dos pactos alcanzados polos partidos da coalición 'Agora Repúblicas' que encabezou Oriol Junqueras, presidente de Esquerra.
Aquela coalición, sucesora de 'Os Pobos Deciden', logrou tres escanos nas eleccións europeas de 2019, dous deles para ERC. Junqueras tivo que deixar o escano tras o seu procesamento na causa do procés e substituíulle o número 4, tamén de ERC. E Bildu e BNG acordaron repartirse a lexislatura, tres anos para a formación vasca e dous para a galega, substitución que agora se formalizou.
