Gañan os pequenos colleiteiros: as uvas das variedades galegas non pode custar máis que as foráneas

A Audiencia Provincial de Ourense apoiou as demandas dos 'colleiteiros' do Ribeiro nas súas reclamacións fronte ao Consello Regulador da Denominación de Orixe Ribeiro pola discrepancia en torno ao prezo das contraetiquetas.

As diferenzas entre ambos estiveron motivada pola decisión do Consello Regulador, en 2018, de realizar unha subida diferenciada no prezo das uvas, "maior para as utilizadas nos viños 'preferentes', elaborados con variedades autóctonas, maioritariamente por pequenos produtores) e menor nos viños 'autorizados', elaborados con variedades secundarias ou foráneas, principalmente por grandes adegas que producen máis de 400.000 litros", explican desde a Asociación Galega de Vitivinicultura Artesanal.

O fallo, ditado nesta ocasión pola Audiencia Provincial de Ourense, declara, explica a Asociación en base ao contido do mesmo, que "o acordo adoptado favorecía os intereses particulares dos sectores que teñen un maior peso no Consello, sector cooperativo e adegas de máis de 400.000 litros que embotellan en maior proporción viño 'preferente'.

"A desigualdade no prezo das precintas de garantía foi entendida polos xuíces como abusiva ao non existir causa xustificada para iso, sendo precintas iguais e dando o Consello o mesmo servizo, de certificación e control de todos os viños incluídos na denominación".

Os 'colleiteiros' celebran que nesta nova sentenza -- que confirma o fallo do Xulgado de Primeira Instancia e Instrución número 1 de Ribadavia-- non fosen aceptados os argumentos cos que o Consello Regulador pretendía xustificar a diferenza de prezo". Apuntan tamén que o acordo adoptado "non respondía as regras de equidade".

Nun comunicado, confían en que o fallo poña fin ao litixio, "evitando novas costas procesuais para o Consello Regulador e revertiendo a situación creada en 2018", apuntan.

Viñedo en Ourense. Rosa Veiga - Europa Press - Arquivo