Por Europa Press / Redacción | SANTIAGO DE COMPOSTELA | 06/09/2022 | Actualizada ás 13:17
O secretario xeral do PSdeG, Valentín González Formoso, confirmou que o actual alcalde de Santiago, o socialista Xosé Sánchez Bugallo, "será o candidato" da súa formación nas próximas eleccións municipais, á vez que deu por feito que repetirá á fronte da alcaldía.
Preguntado en rolda de prensa por se hai cuestións internas do partido que lle fixeron a Bugallo meditar máis do previsto se vai ser candidato de novo, Formoso afirmou que "Bugallo será o candidato" e mostrouse convencido de que será alcalde un mandato máis.
De feito, o líder dos socialistas galegos destacou que, ao seu xuízo, Bugallo "pasará á historia como o mellor alcalde de Santiago".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.