Un novo programa incentivará aos propietarios a aluguar os seus immobles baleiros

Contará cunha partida de 800.000 euros ampliables e ofrecerá aos donos seguros gratuítos fronte a falta de pagamentos e multirrisco do fogar

Por Europa Press / Redacción | SANTIAGO DE COMPOSTELA | 08/09/2022 | Actualizada ás 19:44

Comparte esta noticia

O Goberno galego impulsará este ano un novo programa de mobilización de vivendas para o aluguer co obxectivo de facilitar á cidadanía o acceso a un fogar a prezos accesibles. Baixo o nome 'Vivendas vivas', este novo programa, dotado con 800.000 euros ampliables, contemplará incentivos para os propietarios que aluguen os seus inmobles baleiros a prezos accesibles, segundo anunciou este xoves a Xunta despois do Consello.

O presidente galego, Alfonso Rueda, cifrou entre 250 e 300 os inmobles que poidan incorporarse ao mercado de aluguer nunha primeira fase. A iniciativa será xestionada polo Instituto Galego de Vivenda e Solo e dará "garantías e incentivos" aos propietarios para que superen "reticencias" e "anímense" a alugar.

Axentes colaboradores serán os encargados de localizar e "captar" vivendas que reúnan os requisitos, segundo explica a Xunta. Os donos terán seguros gratuítos fronte a falta de pagamentos e multirrisco do fogar, así como asistencia xurídica durante un prazo máximo de cinco anos.

ESTRADAS E MERCADOS

Por outra banda, o Consello autorizou a transferencia a favor do concello de Ourense de dúas estradas provinciais e a favor de Ames (A Coruña) de tres tramos de vías provinciais. Así mesmo, a Xunta investirá case 200.000 euros na mellora dos mercados de Crecente e Bande para tratar de garantir a promoción e posta en valor dos produtos agroalimentarios desas zonas.

Arquivo - Edificio de vivendas en Oviedo, pisos, compravenda de vivendas.. EUROPA PRESS - Arquivo
Arquivo - Edificio de vivendas en Oviedo, pisos, compravenda de vivendas.. EUROPA PRESS - Arquivo | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta