O BNG felicita ao pobo catalán pola Diada

A eurodeputada do BNG Ana Miranda e o presidente da Fundación Galiza Sempre, Rubén Cela, como membros da área de Internacional da Executiva Nacional do BNG, participan este domingo en Barcelona nos diferentes actos conmemorativos da Diada Nacional de Catalunya.

Así, asistiron á primeira hora á ofrenda florar fronte ao monumento dedicado a Rafael Casanova e, ao longo da xornada, Miranda e Cela tiñan previsto participar noutros actos organizados por Esquerra Republicana.

Ademais, reuníronse con membros da agrupación local de Bloque de Catalunya, "que mantén un forte compromiso coa loita desenvolvida na defensa da soberanía e á reivindicación das nacións sen Estado".

A eurodeputada do BNG, Ana Miranda, e o presidente da Fundación Galiza Sempre, Rubén Cela, participan na Diada de 2022, en Cataluña | Fonte: BNG.