Aumentan os usuarios de transporte urbano en Galicia, aínda que por baixo da media estatal

O número de persoas viaxeiras sobe en xullo un 11,9%.

Por E.P. | VIGO | 13/09/2022 | Actualizada ás 12:17

Comparte esta noticia

O número de persoas viaxeiras transportadas por autobús urbano en Galicia aumentou un 11,9% en xullo, respecto ao mesmo mes de 2021, ata superar os 3,98 millóns de usuarios, segundo datos publicados este martes polo Instituto Nacional de Estatística (INE), recollidos por Europa Press.

Así, esta cifra supón un incremento inferior ao da media estatal, xa que no total de España o número de viaxeiros en autobuses urbanos creceu un 14,5% en xullo, respecto ao sétimo mes do ano pasado. De media, no que vai de ano o número de usuarios aumentou un 22,2% en Galicia, así como un 28,4% no total do Estado, alcanzando os 144,7 millóns de persoas.

Entre outros datos nacionais, o transporte marítimo, a alta velocidade e os autobuses de longa distancias foron os medios preferidos para viaxar durante este verán, sempre segundo datos do INE, que indican que máis de 322,5 millóns de pasaxeiros utilizaron o transporte público en España para moverse o pasado mes de xullo, un 22,8% máis que no mesmo mes do ano 2021.

As vacacións de verán provocaron un incremento do numero de viaxeiros que usan o transporte público para gozar das súas vacacións estivais. Aínda que son moitos os que utilizan o transporte privado nos seus desprazamentos, moitos outros elixen a comodidade do transporte público pola súa rapidez e versatilidade.

Bus urbano en Ourense
Bus urbano en Ourense | Fonte:

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta