A Coruña acolle un ciclo sobre cinema documental
Por E.P. | SANTIAGO DE COMPOSTELA | 13/09/2022 | Actualizada ás 13:21
A Fundación Araguaney-Ponte de Culturas inaugura o luns 'Cinema documental", un ciclo de cinema organizado en colaboración coa Deputación da Coruña e que comezará o luns, día 19, para continuar con proxeccións o 26 de setembro, o 3 e o 10 de outubro.
Segundo informa a Fundación, poderase ver de maneira gratuíta no hotel Eurostars Araguaney de Santiago, ás 20,00 horas, ata completar a capacidade. O público poderá gozar con catro documentais, "historias que servirán para documentar a realidade máis próxima a través de fotogramas". Para asistir, será necesario facer unha reserva previa.
O ciclo celébrase como preámbulo da Semana de Cinema Euroárabe AMAL 2022. A primeira longametraxe que se proxectará é 'Gods of Molenbeek', un distrito de Bruxelas que ten fama de ser un dos epicentros do yihadismo, pero que para os seus dous protagonistas é o seu fogar.
