A festa da pataca de Coristanco declarada de interese turístico de Galicia

Celébrase anualmente o terceiro domingo de setembro desde 1980.

Por Galicia Confidencial | A Coruña | 15/09/2022 | Actualizada ás 17:11

Comparte esta noticia

O Consello da Xunta aprobou hoxe o proxecto do acordo polo que se declara festa de

Pataca de Coristanco
Pataca de Coristanco | Fonte: campogalego.com

interese turístico de Galicia a Festa da Pataca do Concello de Coristanco, que se

celebra anualmente cada terceiro domingo de setembro.

Unha vez examinada a solicitude presentada polo Concello e logo dos trámites

preceptivos e a aprobación do Consello Galego de Turismo, emitiuse informe favorable onde se valora a creatividade e a innovación na celebración do evento, o nivel de dotación de infraestruturas e equipamentos para a celebración da festa e a recepción de visitantes, a afluencia de visitantes, a coordinación das entidades públicas e privadas involucradas na celebración e o adecuado coidado dos contornos urbanos, monumentais ou paisaxísticos onde se desenvolve.

A Festa da Pataca celébrase anualmente o terceiro domingo de setembro e as súas orixes remóntanse ao ano 1980, nela únense patrimonio, tradición e gastronomía. "Trátase dunha manifestación cultural e social de enaltecemento do produto da pataca de Coristanco, froito nesas terras da dedicación ao traballo de agricultores e produtores", destaca a Xunta.

Esta festividade ten a súa orixe na necesidade de dar a coñecer a calidade do

produto gastronómico que atopa na terra de Coristanco un óptimo lugar para o seu

cultivo, pola conxunción da climatoloxía húmida e temperada desta xunto coas

condicións do seu solo. Foi unha das primeiras festas gastronómicas de Galicia e

naceu nun momento de predominio do traballo agrícola e de cultura enraizada na

vida rural. 

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta