Por Europa Press / Redacción | SANTIAGO DE COMPOSTELA | 15/09/2022 | Actualizada ás 19:59
Un home faleceu este xoves no municipio pontevedrés de Vila de Cruces atrapado baixo o seu tractor nunha leira do lugar de Gres. O 112 Galicia tivo coñecemento do sinistro pouco antes das 18,00 horas, cando un particular chamou para alertar de había unha persoa atrapada baixo un tractor nunha leira do lugar de Gres. O accidentado non respondía os intentos do alertante por contactar con el.
Mobilizouse entón o helicóptero medicalizado do 061 con base en Santiago. No entanto, cando o persoal sanitario chegou ao momento, só puido confirmar o falecemento da persoa e solicitou a colaboración dos Bombeiros para retirala de debaixo do vehículo. Ademais dos servizos sanitarios e dos Bombeiros de Silleda, tamén participaron no operativo o GES de Lalín, a Garda Civil de Pontevedra e Protección Civil de Vila de Cruces.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.