Descenden a 121 os hospitalizados con Covid en Galicia, que suma dous falecementos

Aumentan lixeiramente os casos activos.

Por Europa Press / Redacción | SANTIAGO DE COMPOSTELA | 20/09/2022 | Actualizada ás 11:08

Comparte esta noticia

As persoas con Covid-19 hospitalizadas en Galicia descenden ata os 121, dos que 114 (-12) se atopan en planta e sete se manteñen nas unidades de coidados intensivos. Por outra banda, aumentan lixeiramente os casos activos, que se sitúan este martes en 1.320 (+8).

Segundo as cifras ofrecidas pola Consellería de Sanidade con datos recollidos ata as 18,00 horas deste luns, 676.784 persoas contaxiáronse desde o inicio da pandemia, 131 máis que as notificadas este luns. Así mesmo, recuperáronse desde que comezou a crise sanitaria un total de 671.669, 121 máis que na última xornada.

Ademais, o Sergas notificou dous falecementos máis, polo que a cifra de mortes con Covid se sitúa en 3.904. Os dous últimos óbitos producíronse o pasado 16 de setembro. Trátase dunha muller de 81 anos, da área sanitaria de Vigo, e outra muller de 84 anos, da área sanitaria de Pontevedra O Salnés.

ÁREAS SANITARIAS

En relación ao número de casos activos, ascenden na área de Ourense, con 278 (+4); na de Pontevedra, con 121 (+8); e na de Ferrol, con 90 (+7). Pola contra, descenden na Coruña, con 221 (-3); na de Lugo, con 217 (-1); na de Vigo, con 212 (-3); e na de Santiago, que rexistra 177 (-4).

En canto á presión hospitalaria, as áreas con máis pacientes en UCI son A Coruña e Ourense, con tres e dous respectivamente. En Ferrol e Santiago hai unha persoa hospitalizada nas súas unidades de coidados intensivos, mentres que en Vigo, Pontevedra e Lugo non se rexistran pacientes en UCI.

Por outra banda, a área da Coruña ten 31 pacientes en hospitalización convencional (-2); 24 (-3) están en Ourense, 13 en Pontevedra (+1), 13 en Lugo (-7) e sete en Ferrol (+1). Na área de Vigo mantéñense 14 ingresados e na de Santiago, en 12.

Un traballador sanitario prepara a primeira dose da vacina de Pfizer-BioNTech contra o Covid-19, a 9 de xuño de 2021, no Hospital Severo Ochoa de Leganés, Madrid
Un traballador sanitario prepara a primeira dose da vacina de Pfizer-BioNTech contra o Covid-19, a 9 de xuño de 2021, no Hospital Severo Ochoa de Leganés, Madrid | Fonte: A. Pérez Meca - Europa Press.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta