Por Europa Press / Redacción | Lugo | 23/09/2022 | Actualizada ás 20:14
A Xunta recoñeceu o esforzo do Consello Regulador da Agricultura Ecolóxica de Galicia (Craega) en favor do coidado do medio ambiente a través do control e certificación das producións da agricultura ecolóxica.
Nun acto conmemorativo do 25 aniversario de Craega en Palas de Rei (Lugo), a conselleira de Medio Ambiente, Territorio e Vivenda, Ángeles Vázquez, remarcou a colaboración de Craega na loita contra o cambio climático, a aposta pola económica circular e o aproveitamento sustentable dos recursos naturais.
A conselleira tamén remarcou no "importante papel" da agricultura ecolóxica na planificación do futuro de Galicia a prol da sustentabilidade.
Así, o Executivo galego sinalou que a agricultura ecolóxica representa un modelo a seguir xa que vai ser fundamental para chegar á neutralidade en carbono e mellorar a resiliencia do territorio. "Contribúe á redución das emisións de gases de efecto invernadoiro ao diminuír a aplicación de fertilizantes", remarcou Vázquez.
Tamén, a conselleira avanzou que o sector agrogandeiro será considerado "como prioritario" na futura Lei do clima de Galicia.
Pola súa banda, a conselleira de Mar, Rosa Quintana, valorou o labor de Craega ao "achegar un enorme valor engadido aos alimentos, ao facer os produtos certificados máis atractivos e ao converter a experiencia de compra nunha actitude de responsabilidade".
Quintana subliñou que no 2021 a comercialización do produtor ecolóxicos do mar estivo "entre a acuicultura, a recollida de algas e as conservas".
O conselleiro de Medio Rural, José González, tamén presente no acto, resaltou a evolución da agricultura ecolóxica en Galicia nos últimos anos.
González remarcou as máis de 45.000 hectáreas certificadas que hai a día de hoxe e os máis de 1.500 operadores ecolóxico e os case 113 millóns de euros de valor económico estimado.
Así, o responsable de Medio Rural sinalou que estas cifras "confirman que a produción ecolóxica galega está máis que consolidada e pasou de ser unha moda a unha tendencia actual".
Mentres tanto, o presidente da Deputación de Lugo, José Tomé, felicitou a Craega e desexou que "sigan polo bo camiño" e que "cumpran cos retos que teñen fixados para os próximos anos".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.