Por E.P. | SANTIAGO DE COMPOSTELA | 27/09/2022 | Actualizada ás 13:59
O secretario xeral do PSdeG, Valentín González Formoso, instou ao Goberno a levar a cabo estudos que "profunden" no coñecemento sobre as consecuencias do exercicio de profesións do mar como rederas e mariscadoras para avaliar a posibilidade de incrementar o coeficiente reductor para a súa xubilación.
O responsable socialista visitou este martes o Congreso acopañado dunha delegación de bateeros, mariscadoras e rederas, colectivos aos que, por primeira vez, se lles aplica o coeficiente reductor grazas á Lei de pesca sustentable, que se atopa nestes momentos en proceso de tramitación parlamentaria.
Alí, Formoso realizou declaracións aos medios nas que enxalzou o "recoñecemento desta débeda histórica" do colectivo por parte do Grupo Socialista no Congreso, impulsor da nova normativa.
"Por fin recupérase e concrétase unha gran aspiración do sector", aseverou Formoso, que cifrou en 4.700 as mulleres que desempeñan profesións como marisacadora ou redera que teñen características "moi duras".
Por iso, valorou que o proxecto lexislativo "recoñeza" a dureza destas profesións, aínda que pediu ao Goberno central que vaia máis aló e profunde no coñecemento destes oficios para avaliar unha posible subida deste coeficiente.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.