Por Europa Press / Redacción | SANTIAGO DE COMPOSTELA | 10/10/2022 | Actualizada ás 19:10
Máis de 52.600 maiores recibiron nestes días a cuarta dose da vacina contra a covid-19, entre as persoas inmunizados nas residencias e as que acudiron a recintos masivos. Máis concretamente, nos últimos tres días, os equipos de enfermaría administraron 31.015 doses nos 'vacinódromos'.
Segundo apuntou Sanidade, a adherencia creceu desde o venres cando, por outra banda, a Cidade da Cultura --vacinódromo da área de Santiago-- tivo que interromper o seu labor durante tres horas por un desaloxo por mor dunha ameaza de bomba.
Segundo o plan da Consellería de Sanidade, o vindeiro mércores, día 12, termina a vacinación do grupo etario de 85 e máis anos, e o xoves comezarase coa administración da cuarta dose ás persoas de 80 a 84 anos. Ademais, adiántase a citación da poboación de 70 a 79 anos.
Respecto da vacinación da gripe, o 96% das persoas aceptaron a administración conxunta da vacina da gripe e Covid, o que significa que non terán que acudir xa ao seu centro de saúde para solicitar a administración desta segunda vacina.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.