Morre un home de 64 anos ao saírse da vía co coche en Santiago
A vítima tivo que ser excarcerada do vehículo.
Por Europa Press / Redacción | SANTIAGO DE COMPOSTELA | 14/10/2022 | Actualizada ás 09:57
Un home de 64 anos morreu despois de que o coche que conducía, no que ía só, saíu da vía pola que circulaba en Santiago de Compostela.
En concreto, segundo informa o 112 Galicia, ocorreu sobre as 21,15 horas na AC-250, na estrada entre o Aeroporto de Lavacolla e Sigüeiro, no municipio veciño de Oroso.
O 061-Urxencias Sanitarias enviou ao lugar unha ambulancia asistencial de soporte vital avanzado, pero non puideron facer nada polo home (AJC), de 64 anos, tal e como indica o serivicio sanitario, que resultou falecido no mesmo lugar do accidente.
A vítima tivo que ser excarcerada do vehículo polos bombeiros de Santiago. Ademais, o 112 avisou do ocorrido á Garda Civil de Tráfico e a Protección Civil.
