Baixan os prezos oito décimas en setembro pero seguen sendo máis altos que a media do Estado
É medio punto inferior á de agosto, o que supón o terceiro maior descenso, por detrás de Estremadura e Castela-A Mancha.
Por Europa Press / Redacción | Santiago de Compostela | 14/10/2022 | Actualizada ás 10:39
O índice de prezos de consumo (IPC) diminuíu oito décimas en setembro en Galicia en relación ao mes anterior, de modo que situou a súa taxa anual no 9,2%, fronte ao 8,9% da media, segundo os datos que publica este venres o Instituto Nacional de Estatística (INE).
Deste xeito, no que vai de ano, ata setembro, Galicia rexistra un incremento do 5,7% no índice de prezos de consumo. A taxa anual máis elevada en Galicia correspóndese con vivenda (+17,3%), seguida de alimentos e bebidas non alcohólicas (+13,3%) e hoteis, cafés e restaurantes (+9,1%). Ao lado contrario, baixa un 2,5% en comunicacións e un 1,8% en ensino.
Mentres, mensualmente, en setembro respecto de agosto, vestido e calzado subiron os seus prezos un 2,2% e descenderon un 5,7% os de vivenda.
DATOS ESTATAIS
No conxunto estatal, o IPC diminuíu sete décimas en setembro en relación ao mes anterior e recortou de golpe a súa taxa interanual 1,6 puntos, ata o 8,9%, baixando dos dous díxitos despois de encadear tres meses consecutivos por encima do 10%.
